Senatori John McCain i cili është i sëmurë rëndë po planifikon funeralin e tij. Burime nga rrethi i brendshëm i John McCain, shkruajnë mediat amerikane thonë se ai kërkon që në shërbesë të jetë i pranishëm zëvendëspresidenti Mike Pence, por jo shefi i Shtëpisë së Bardhë, Donald Trump.
Arsyeja e kësaj këmbënguljeje është pikërisht marrëdhënia e trazuar mes dy figurave të rëndësishme të Partisë Republikane.
McCain është duke luftuar me një formë agresive tumori në tru. Diagnoza e rëndë, 81-vjeçarit iu përcaktua korrikun e kaluar, e ndonëse i është nënshtruar një trajtimi të kujdesshëm, sëmundja ka avancuar ndjeshëm.
Të premten, e bija, Meghan shkroi në “Tëitter” se do të kthehej në shtëpinë e familjes së saj në Arizona, për të qëndruar me të afërmit e saj në ato që duket të jenë momente të vështira për ta.
Muajin e kaluar, senatori u shtrua në spital me një infeksion në zorrë, e gjendja e tij shëndetësore është aktualisht mjaft e brishtë. Me Trumpin, ai është përplasur disa herë, edhe publikisht. Presidenti u kritikua ashpër në 2015-tën kur e vuri në lojë statusin e McCain si hero i luftës së Vietnamit.
Ai u bë hero vetëm se u kap rob, deklaroi atëherë miliarder republikan duke shtuar: Mua për vete më pëlqejnë njerëzit që nuk kapen. Në muajin shkurt, Trump pati serish një incident me senatorin të cilin e përmendi si person që votoi kundër kolegeve të tij të Dhomës së Lartë.
McCain nuk ia ka përtuar as ai duke e sulmuar hapur për një sërë çështjesh, përfshirë paralajmërimet e tij për tërheqjen e trupave amerikane nga Siria, çka i dha krahë sipas senatorit të Arizonës Bashar al Assadit dhe mbështetësve të tij rusë e iranianë.
Trump nuk mori pjesë në funeralin e fundit të ish zonjes së parë Barbara Bush në Hjuston të Teksasit, në mënyrë që “të shmanget ndërprerjet për shkak të sigurisë së shtuar dhe nga respekti për familjen Bush dhe miqtë që marrin pjesë në shërbim”, tha Shtëpia e Bardhë muajin e kaluar . Zonja e parë Melania Trump mori pjesë në shërbim në vend të kësaj, së bashku me ish-presidentët George H.Ë. Bush, George Ë. Bush, Bill Klinton dhe ish zonja e parë Hillary Clinton. (B.H/Faxweb)
Discussion about this post