Senati Italian ka miratuar me 166 vota pro buxhetin e vitit të ardhëm në të cilën parashikohet edhe ligji për Call Center-at. Në buxhetin e miratuar parashikohen një sërë masash që do të merren përsa i përket ekonomisë. Një nga fushat që do të preket është edhe ajo e bizneseve Call Center. Një nga çështjet më të ndjeshme dhe në vendin tonë.
Ligji i ri synon të kufizojë shpërnguljen e Call Center nga Italia drejt vendeve që nuk janë pjesë e Bashkimit Europian. Ky modifikim i ligjit ka për synim krijimin dhe shtimin e vendeve të reja të punës në shtetin përtej Adriatikut, i cili sot numëron rreth 80 mijë punonjës, por me një llogaritje që kanë bërë zyrat e statistikave atje, vetëm në 5 vitet e fundit, janë zhvendosur off-shore, në vendet jashtë BE-së, rreth 200 mijë persona.
Siç përmendet edhe në ligj kjo ka të bëjë me biznese dhe transferime të reja dhe jo ato ekzistuese.
Në këtë mënyrë pritet që në vitet e ardhshme të ketë një numër më të vogël biznesesh të tilla që do të mund të ushtrojnë aktivitetin në vendin tonë.
Discussion about this post