Senatori republikan John McCain, është diagnostikuar me kancer të trurit. Pas këtij lajmi, ministri i Jashtëm Ditmir Bushati i ka uruar shërim të shpejtë senatorit amerikan, të cilin e cilëson si një mik të Shqipërisë.
Përmes një postimi në tëitter, Bushati shprehet: “Mendimet e mia dhe urimet për shërim të shpejtë janë për senatorin John McCain që po lufton me kancerin. Një mik i vërtetë i Shqipërisë. Një nga njerëzit më të guximshëm që kam njohur”.
Ministri i Jashtëm këtë mesazh e ka shoqëruar edhe me një foto nga një takim i të dyve. Kujtojmë se John McCain ka zbuluar sot se po lufton kundër një tumori në kokë që e kishte zbuluar vetëm tani vonë.
Tumori u zbulua gjatë operacionit për të hequr një mpiksje gjaku mbi syrin e majtë gjatë së premtes, shkruhet në deklaratë.
Tashmë senatori 80-vjeçar po kurohet në shtëpinë e tij në Arizona dhe trajtimi i tij mund të përfshijë një “kombinim të kimioterapisë dhe rrezeve”. Zyra e tij njoftoi se senatori do të kthehet në Senat pasi të marrë kurat plotësisht nga mjekët. (D.D/Shuplaka)
Discussion about this post