Protestës së Opozitës i ka ardhur sot një mbështetje shumë e rëndësishme nga ana e Partive Popullore Europiane. Përfaqësuesi i tyre senatori Italian Mario Mauri ka shprehur gjithë mbështetjen për kauzën dhe qëllimet e opozitës.
Sipas tij në Europën e vërtetë mund të shkohet vetëm me një qeveri që lufton krimin dhe drogën dhe kjo do të jetë vetëm qeveria e drejtuar nga Lulzim Basha.
‘’Jam këtu për ti dhënë mbështetjen maksimale të partive europiane Lulzim Bashës. Jam këtu sepse ju po bëni luftën tonë dhe të Partive Europiane.
Ne duhet ti themi faleminderit Partisë Demokratike që proteston në këtë mënyrë. Unë kam ardhur këtu për t’iu thënë faleminderit. Shteti ka detyrë të mbrojë jetën e njerëzve dhe jo të jetë pronar i tyre. Kur në 1989 ra Bashkimi Sovjetik të gjitha partitë komuniste ndryshuan emrin në socialiste.
Janë të gjitha të bërë gjasme europianistë. Ne jemi këtu për t’iu thënë njerëzve çka është Europa e vertetë. Europa e vërtetë ka nevojë për Shqipërinë.
Cila qeveri që mund të arsimojë nëse nuk kupton dhe nuk lufton kriminalitetin? Cila qeveri mund të bëjë që Shqipëria të hyjë në Europë me krimin? Ka vetëm një qeveri që do të bëjë që Shqipëria të hyjë në Europë, është qeveria e Lulzim Bashës’’, ka thënë senatori Italian. (E.K/SHUPLAKA)
