Për krizën politike në vend referuar ngjarjeve të fundit ka reaguar edhe senatori i “Lega” Manuel Vescovi, anëtar i Komisionit të Jashtëm të Senatit italian, i cili është shprehur se po ndjek me shqetësim përkeqësimin e situatës politike në Shqipëri.
Vescovi, i njohur ndryshe edhe si krahu i djathtë i zv/kryeministrit italian Mateo Salvini ka kërkuar djalog midis palëve politike si mënyrën e vetme për zgjidhjen e krizës politike paqësisht dhe në mënyrë demokratike. Çdo zgjidhje tjetër do të përkeqësonte pashmangshmërisht ngjarjet.
“Presim që Shqiperia të sillet si anëtar i përgjegjshëm i NATO-s dhe jo si një vend qartësisht konfliktual.
Italia beson që vendi i Shqiponjave mund të përmbushë detyrimet e veta duke luftuar në përditshmeri fenomenet e përkeqësuara të kriminalitetit dhe korrupsionit, duke mbajtur dhe ruajtur kryesisht stabilitetin dhe standartet demokratike të cilat do të ishin të pamundura të garantoheshin pa zgjedhje të mirëfillta demokratike.”
