Në Senegal të paktën nëntë persona u vranë në dhunën që shpërtheu dje pas dënimit me dy vjet burg të liderit të opozitës Ousmane Sonko, kandidat për presidencën dhe i kërcënuar me papërshtatshmëri.
Trazirat shpërthyen në kryeqytet dhe në disa qytete të tjera të vendit edhe para zgjidhjes. Universiteti i Dakarit ka marrë pamjen e një fushe beteje. Grupe të rinjsh janë përplasur me gurë me policinë, e cila është kundërpërgjigjur me gaz lotsjellës.
Disa autobusë nga Fakulteti i Mjekësisë, Departamenti i Historisë dhe shkolla kryesore e gazetarisë në Senegal u dogjën dhe zyrat u plaçkitën. Kështu ka bërë të ditur ministri i Brendshëm, Antoine Diome.
“Ne kemi vërejtur me keqardhje dhunën që ka çuar në shkatërrimin e pronës publike dhe private dhe, për fat të keq, patëm nëntë vdekje në Dakar dhe Ziguinchor,” tha ministri në televizionin kombëtar.
Diome gjithashtu konfirmoi se autoritetet kanë kufizuar aksesin në rrjetet sociale në vend, siç vërehet për shembull për Facebook, WhatsApp dhe Twitter.
“Duke marrë parasysh përhapjen e mesazheve të urrejtjes dhe subversive në mediat sociale, shteti i Senegalit ka vendosur me gjithë sovranitetin të pezullojë përkohësisht përdorimin e disa aplikacioneve dixhitale”, tha ministri, duke apeluar për qetësi.
