Mediat serbe pranë Presidentit të Ri të Serbisë, Aleksandar Vuçiç, ngrenë alarmin se Shqipëria dhe Kosova do të bashkohen në rast se Bashkimi Europian u mbyll derën vendeve të Ballkanit Perëndimor.
Kryesisht mediat e kontrolluara prej tij aludojnë se me ndihmën e Turqisë, Shqipëria dhe Kosova po përgatiten për luftë, për të realizuar Shqipërinë e Madhe.
Gazeta serbe “Informer” në numrin e sotëm të gazetëss thotë në titull se “Erdogan po përgatit Thaçin e Ramën për luftë, për ta bërë Shqipërinë e Madhe”.
Në tekstin e kësaj gazete shkruhet edhe se vendet po blejnë armë dhe raketa anti-tank. Plani thuhet të jetë ndërhyrja në veri të Kosovës të banuar me shumicë serbe, e të merret edhe Kumanova dhe Shkupi.
Edhe faqja e parë e gazetës tjetër serbe “Vecernje Novosti”, shkruan se “Agjentët turq po e shtyjnë projektin e Shqipërisë së Madhe”.
(XH.A/SHUPLAKA)
