Serbia dhuroi 1000 teste për Kosovën, çudit Kurti: Për besë unë nuk i kam pa dokumentacionin e atyre

Në kuadër të masave ndaj pandemisë që ka përfshirë vendin, Kosova sot ka marrë një donacion prej 1000 testesh nga vendi që nuk pritej, Serbia.

Lajmin e ka bërë të ditur Ministria e Shëndetësisë ku konfirmoi  se Instituti Kombëtar i Shëndetësisë Publike në Kosovë ka marrë donacion prej Serbisë 1000 teste për covid-19.

Mirëpo Kryeministri i vendit Albin Kurti çuditi me deklaratën kur tha se nuk e di se me çfarë dokumentacioni hynë këto teste në Kosovë.

I pyetur nëse testet hynë në vend ‘për Republikën e Kosovës’ apo për ‘Kosovën e Metohinë’, Kurti kërkoi që për këtë të përgjigjet ministri në detyrë Arben Vitia.

“Për besë unë nuk i kam pa dokumentacionin e atyre 1 mijë testeve, besoj që Ministri i Shëndetësisë në detyrë Arben Vitia është kompetent për tu përgjigjur . Po ta dija do tua thoja”, tha Kurti