Mëngjesin e sotme, gazeta serbe “Blic”, e ka kryqëzuar ditën e sotme Presidentin e Kosovës, Hashim Thaçi, duke e cilësuar si pardon të drogës dhe të trafikimit të armëve.
Nga ana tjetër Thaçi, është kundërpërgjigjur duke i akuzuar forcat serbe për gjenocid në Kosovë, para 18 vitesh. Në këtë reagim, Thaçi nuk i përmend fare akuzat për drogë ndaj tij, duke i injoruar ato. Mirëpo shprehet se shumë shpejt populli i Kosovës do ta padisë Serbinë për gjenocidin.
“Para 18 vjetësh, pas masakrave të njëpasnjëshme dhe përpjekjeve për spastrim etnik anekënd Kosovës, në Poklek të Drenicës forcat serbe vranë dhe masakruan mbi 54 anëtarë të familjes Muqolli dhe Elshani, shumica prej tyre gra, pleq dhe fëmijë.
Në të njëjtën ditë, ato vranë edhe 24 shqiptarë në fshatin Çikatovë e Vjetër.
Edhe sot bashkëndjejmë me dhimbjen e këtyre familjeve. Populli dhe shteti i Kosovës asnjëherë nuk do t’i harrojë këto krime dhe shumë shpejt do ta padis Serbinë për gjenocid në Kosovë.”, shkruan Thaci. (D.D/Shuplaka)
Discussion about this post