Shteti i ri i Kosovës në raport me vendet fqinje, vijon të mos ketë ende asnjë helikopter, çështje që është ende në diskutim.
Në raport me të, vendet fqinje rezultojnë me një numër të konsiderueshëm helikopterësh. Dhe vendin rekord e mban Serbia me 61 helikopterë.
Kosovarja shkruan se shteti i Serbisë është ndër më të fuqishmit në rajon sa i përket fprcës ushtarake ajrore.
“Vetëm ushtria serbe, ka në dispozicion 61 helikopterë të njohur si Gazela, nëpër bazat ajrore në Nish, Batajnicë dhe Ladjevicë. Këta helikopter, ushtria i përdorë edhe për shpëtim, zbulim, por edhe për luftë. Megjithatë, vet ushtria, ka edhe helikopterë transportues në dispozicion, prej tyre ka të tipit MI 17 dhe MI 8 prodhim rus. Derisa vitin e kaluar ka blerë nga Rusia edhe dy helikopterë të llojit MI 17 V5.”, transmeton “RTV Dukagjini”.
Pas Serbisë, renditet Maqedonia me 24 helikopterë, për të vazhduar më pas me Shqipërinë me 22 helikopterë.
Nëse ndalemi tek Shqipëria, 22 helikopterët përdoren kryesisht për misione kërkim-shpëtimi dhe misione të tjera jo luftarake. Helikopterët më të fuqishëm që Armata shqiptare posedon janë të tipit “Couger”. Një helikopter i tillë vlerësohet me rreth 15 milionë euro dhe mund të mbartë 23 persona.
“Forcat e Armatosura kanë në dispozicion 8 helikopterë të lehtë të prodhimit gjerman BO 105, si dhe 8 helikopterë të prodhimit Amerika – Agusto Bell, tre prej tyre të serisë 205 si dhe pesë të tjerët janë të serisë 206.
Shteti shqiptar ka në dispozicion edhe një helikopter të tipit Agustaëetland A109, një helikopter të tipit VIP, të Airbus Helicopters EC 145.”, citohet ndër të tjera në artikull. Shpjegohet më tej se regjimenti i helikopterëve në Shqipëri është formuar kryesisht në 1967-ën, kohë kur kjo armatë posedonte 36 helikopterë. (XH.A/SHUPLAKA)
Discussion about this post