Serbia paraqet prova të reja kundër Haradinajt, për çfarë bëhet fjalë

Pas vendimit të gjykatës së Colmarit për shtyrjen e seancës për ish-kryeministrin e Kosovës, Ramush Haradinaj, mësohet se Serbia ka paraqitur dëshmi të reja kundër tij.

Në këto dëshmi përfshihen ato të punonjësve të policisë, masakrimi i grave, dhunimi i nuseve. Gazeta serbe “Blic” pasi njofton shtyrjen e seancës, shkruan se Prokuroria serbe për Krime të Luftës, përveç fakteve të mëparshme me iniciativë të Ministrisë së Drejtësisë ka paraqitur disa prova konkrete, deklarata dhe të dhëna të dëshmitarëve nga vendi i ngjarjes.

Ramush Haradinaj po mbahet në Francë që nga 4 janari pas arrestimit të tij me një urdhërarrest të Serbisë të vitit 2004. (XH.A/SHUPLAKA)