Sipas tij, deklaratat për mospjesëmarrje në zgjedhjet e 18 qershorit janë thjesht politike.
Mustafa shprehu mbështetjen për protestën e opozitës, ndërsa tha se takimi i kësaj të diele u bë për të tërhequr vëmendjen e politikës për Luginën e Preshevës.
” Jemi këtu për të mbështetur demokracinë, sepse këto protesta që zhvillohen në çadër janë jo të dhunshme. Mbase sot kemi arritur që t’i tërhiqet vëmendja kryetarit Basha që në këto zgjedhje që janë në Shqipëri mos të harrohet Lugina e Preshevës.” tha Mustafa.
Mustafa shprehu shqetësimin se shqiptarëve në Luginën e Preshevës u mohohen të drejtat themelore, ndërsa sipas tij, Serbia po bën përpjekje për të asimiluar shqiptarët.
“Kjo sjellje e Serbisë pa dyshim është përpjekje e vazhdueshme për të asimiluar shqiptarët, por aq më shumë u jep forcë shqiptarëve që të këmbëngulin në këto të drejta dhe të identifikohen me flamurin kombëtar siç identifikohen shqiptarët në Shqipëri, Kosovë, Maqedoni, Mal të Zi e gjithandej. Prandaj, një përpjekje e vazhdueshme e Shqipërisë në këtë fushë duhet të jetë më e intensifikuar në një shkallë më të lartë.” u shpreh Ragmi Mustafa.
Shqiptarët në Luginën e Preshevës nuk po arrijnë ndërkohë të shfrytëzojnë as të drejtat elementare sepse duket se nuk ka qasje serioze për zgjidhjen e problemeve të shqiptarëve.
Presidenti Nishani ka vënë në dukje se ndjekja dhe vënia në zbatim e planit 7 pikësh nga qeveria në Serbinë e Jugut është prioritare, e domosdoshme për t’u shoqëruar me një vëmendje shumë më të madhe investimesh dhe zhvillimi ekonomik për këtë zonë.
Presidenti ka evidentuar rëndësinë e nënshkrimit të marrëveshjes për njohjen reciproke të diplomave mes Shqipërisë dhe Serbisë, si një hap që do të nxiste punësimin e të rinjve nga Serbia e Jugut të arsimuar në Shqipëri, dhe jo braktisjen dhe shpopullimin e zonës.
(M.D/ Shuplaka)
Discussion about this post