Delegacioni i Komisionit për të Drejtat e Njeriut dhe Personave me Aftësi të Kufizuara i Kuvendit të Kosovës, me kryetare të saj deputeten, Lirije Kajtazi, po qëndron në Bruksel për konferencën e organizuar nga Parlamenti i Evropës me temën “Konferenca për Ballkanin Perëndimor për Persona me Aftësi të Kufizuara”.
Në këtë konferencë deputetja Kajtazi prezantoi temën “Qasja e lirë e Personave me Aftësi të Kufizuar në shërbimet e transportit dhe përkushtimi i institucioneve të Republikës së Kosovës”, por gjatë këtij prezantimit ndodhi një incident, raportojnë mediat kosovare.
Organizatori i delegacionit serb shkaktoi debat pasi insistoi që Kosova të mos jetë pjesë e kësaj konference. Deputetja Lirije Kajtazi në reagimin e saj ndaj këtij incidenti, u shpreh se ky është një një mentalitet primitiv i cili fyen vlerat e BE-së. “ Ky është një një mentalitet primitiv i cili fyen vlerat e BE-së. Tani Kosova Republikë është pjesë e një realiteti që e kanë njohur 112 vende, pjesa më e madhe e tyre me demokraci të zhvilluar”, u shpreh ajo.
Discussion about this post