Tetë ish-policë serbë të Bosnjës do të përballen me procesin gjyqësor të hapur së fundmi nga një gjykatë në Serbi. Mbi ta rëndon akuza për përfshirje në masakrën e Srebrenicës në vitin 1995.
Ata u vunë në pranga në vitin 2015, duke shënuar kështu rastin e parë të arrestimit të personave të dyshuar për përfshirje të drejtpërdrejtë në vrasjen e mbi 8.000 burrave e djemëve myslimanë në Srebrenicë. Por më pas, ata u lanë të mbroheshin në gjendje të lirë.
Të tetë ish-policët akuzohen për marrjen pjesë në ekzekutimin e qindra myslimanëve në fshatin Kravica, afër Srebrenicës.
Procesi në gjykatën serbe për krime lufte në Beograd, shihet si provë për vullnetin e Serbisë për t’u përballur me të kaluarën dhe mizoritë e kësaj lufte që çoi në shkatërrimin e përgjakshëm të ish-Jugosllavisë.
Shteti serb duhet që të dënojë kriminelët e luftës për të përshpejtuar procesin e anëtarësimit në BE. (XH.A/SHUPLAKA)
