Sergio Ramos ka thyer rregullat anti doping dy herë, sipas informacionit të zbuluar nga “Football Leaks”. “Der Spiegel” publikoi lajmin duke shpjeguar se këto janë dy rastet e mundshme në të cilat kapiteni i Real Madridit ka shmangur rregullat.
Kapiteni ka dalë pozitiv në finalen e vitit 2017 në Champions League, në të cilin Real Madrid mundi Juventusin. UEFA ka arkivuar rastin. Ramos gjithashtu ka shkelur protokollin anti doping pas një ndeshje në La Liga në Malaga në prill 2018. Qendërmbrojtësi ka rezultuar pozitiv në medikamente që janë të ndaluar në sport. Testet kanë treguar se në gjakun e tij ka patur injeksione të dexamethasone, të cilat atij i janë injektuar në gju dhe në shpatull një ditë para finales së Champions-it. Sipas “Football Leaks”, e cila zbulon numrin e mostrës së marrë nga lojtari i Real Madridit në një laborator në Seibersdorf, Austri, 3324822.
Dexamethasone është një përgatitje kortizon dhe ka efekt anti-flamator, substancë që është e përfshirë në listën e Substancave të Ndaluara nga WADA (Agjencia Botërore e Anti Doping).
Në lidhje me këtë lajm të publikuar nga gazeta gjermane “Der Spiegel” klubi spanjoll u shpreh:
“Sa i përket raporteve të publikuara nga ‘Der Spiegel’ në lidhje me kapitenin tonë, Sergio Ramos, klubi dëshiron të shprehë:
1. Sergio Ramos kurrë nuk ka shkelur rregullat anti-doping.
2. UEFA kërkoi informacione specifike dhe menjëherë e mbylli rastin e përmendur, siç është zakon në raste të tilla, pas testeve të kryera nga ekspertët e Shoqatës Botërore Anti-Doping (WADA) dhe UEFA vetë.
3. Për sa i përket pjesës tjetër të përmbajtjes nga publikimi i lartpërmendur, klubi nuk do të bëjë ndonjë koment, duke pasur parasysh natyrën e qartë të paqëndrueshme të raporteve”.
(B.H/Faxweb)
