Sërish probleme me dritat në kryeqytet. Sot rreth orës 10 e 30 është dëmtuar një nga fiderat e nënstacionit Rajonal të Tiranës duke lënë pa energji shumë banorë të kryeqytetit. Zonat me mungesë të enerfjisë janë ‘’Don Bosko’’ dhe banesat në afërsi të ‘’Zogut të Zi’’.
Ky fider, siç shihet nga fotot, argumenton OSHEE, ndodhet pranë kantierit ku po ndërtohet aktualisht bulevardi i ri i Tiranës, dhe punimet e papërgjegjshme të firmës private, kanë provokuar fidrin, i cili sot dha shenjën e avarisë.
Grupi i avarisë së drejtorisë rajonale Tiranë është në terren dhe po punon për riparimin e defektit. Brigatat e OSHEE janë duke punuar për një rikthim sa më të shpejtë të energjisë elektrike. (E.K/SHUPLAKA)
