Servet Pëllumbi nis mbrojtjen e Ramës: Protesta ka edhe në Francë, deklaratat e Metës janë në panik

I ftuar në Kongresin e PS-së që po mbahet në Pallatin e Kongreseve, ish-kreu i Kuvendit në radhët e socialistëve Servet Pëllumbi është shprehur se situata politike në vend nuk ka asgjë të pazakontë. Sipas tij vendi ka nevojë për stabilitet dhe jo për zgjedhje të parakohshme.

I pyetur nga gazetarët nëse mund të mbahen zgjedhjet lokale pa praninë e opozitës, Pëllumbi tha se opozitë nuk janë ata që dalin në rrugë dhe rrethojnë institucionet.

“Situata politike është komplekse, gjithnjë mund të bëhet më shumë, në radhë të parëpërt të zbatuar programin që është zotuar para qytetarëve. Nuk ka asgjë të jashtëzakonshme, janë situata që ndodhin dhe në vende të tjera.

Protesta ka dhe në Francë po Macroni vijon punën prej 5 muajsh. Nuk ka pse të bëhen zgjedhje të parakohshme, Kushtetuta është e qartë që zgjedhjet bëhen njëherë në 4 vjet, përveç rasteve të humbjes së mazhorancës në Kuvend”, deklaroi Pëllumbi.

“Deklaratat që kanë panik nuk komentohen”, u shpreh Pëllumbi, lidhur me mundësinë që presidenti Meta të lërë mandatin e tij, për ti dhënë zgjidhje krizës.

(E.K/FAXWEB.AL)