“S’është faji im që ke lindur në Shqipëri”, kështu i drejtohet DJ italian Ermal Metës, por debati degjeneron në banalitete

Një ditë pas triumfit në Sanremo, këngëtari Ermal Meta është futur në reploka me DJ e njohur italian, Aniceto-n.

Ky i fundit, nëpërmjet një postimi në Twitter  është treguar tepër diskriminues ndaj shqiptarit, i cili u rendit i treti me këngën “Vietato morire”.

“Mund të ishte edhe Fiorello, por më duket e pavend që Sanremon ta fitojë një ekstrakomunitar”, shkruan Anceto.

Mirëpo Ermali nuk ka mbetur mbrapa, duke e quajtur mendimin e tij si një budallallëk. Konflikti mes tyre ka vijuar edhe më tej, ku secili garonte se kush do i jepte tjetrit shuplakën më të fortë. Debat i cili ka degjeneruar me fjalë banale.

“I dashur Ermal Meta, e kuptoj arrogancën e fituesit, por ama nuk është faji im qe ti ke lindur në Shqipëri”, shkruan italiani.

“Nëse organizohet një garë midis bo*esh, ti do dilje i dyti. E di përse? Sepse ti je një i tillë. Lamtumirë ngrënës ****”, i kundërpërgjigjet shqiptari.

Pavarësisht se ishte ai që e nisi, DJ Italian preferon ta vazhdojë ende debatin: “Atëhere ne jemi një çift i bukur, por na mungon i treti, ai që qënron në mes. Lamtumirë edhe ti i dashur Ermal.” (D.D/Shuplaka)