Ish-kryeministri Sali Berisha në dalje të Kuvendit ka bërë akuza të forta në lidhje me situatën e krimit në vend.
Berisha tha se Elbasani nuk është i vetmi qytet që ka probleme me krimin, pasi në Shkodër biznesmenët po largohen nga qyteti prej shantazheve të kriminelëve.
“Mediat të fokusohen te lufta kundër krimit. Në këtë kontekst dua të them se ajo që shpërthue në Elbasan dy herë në mos tre herë, më aggresive është në Shkodër, ku po ikin biznesmenë, që po i dorëzojnë bizneset krimit.
Vlorën e patë vetë në çfarë katandisje është. Deklarata ime është kjo që Shqipëria ka në krye meduzën e krimit që është Edi Rama dhe ç’do deklaratë nuk e ndihmon luftën kundër krimit. Për mua kryekumbari i Shqipërisë është Edi Rama.
I kemi kërkuar që të mos vendos Bushin dhe e vendosi, vendosi Roshin, është ai që rri ditë e natë me Don Lalën, në Shkodër ato vota që merr i merr përmes bandave, është Edi Rama familjarë të të cilit, i vëllai Olsi, ka kaluar disa herë kufirin me makinën e famshme të drogës, nëse flasim për krimin dhe nuk flasim për Ramën atëherë po e mbrojmë Edi Ramën”, u shpreh Berisha në dalje të Kuvendit.
‘’Gramoz Ruçi po fut në Kuvend metoda të vjetra, është jetike që Reforma të kryhet”, vijoi më tej Berisha.
(E.K/SHUPLAKA)
Discussion about this post