“Lufta” kundër silikonit ka përfshirë dhe vendin tonë.
Janë të panumërta faqet në Instagram që kanë si synim demaskimin apo nxjerrjen në pah të personazheve publikë dhe jo vetëm që kanë kryer ndërhyrje kirurgjikale për të përmirësuar pamjen.
Ka qenë kjo arsyeja që ka “detyruar” feministen Sevim Arbana të ndërmarrë një nismë drastike.
Në një status në Facebook, Arbana bën me dije se femrat që dalin në foto në pozicionin “duck face” nuk do jenë më pjesë e miqve të saj. Arbana shton se këto femra me këto foto tregojnë se janë fyçka.
“Si feministe qe jam, do te ndërmarr nje hap drastik në fb
Te gjitha femrat që pozojnë me buzët si viç perpara, jo ashtu siç ua ka bere nena e babai, shkenca e hatashme me emrin gjenetike, do t’i zhduk nga miqesia”, shkruan Arbana në Facebook.
Në një koment tjetër Arbana thotë:
” Nuk e kuptojne sa te shemtuara dhe fyçka duken. Sikur gjithcka varet tek buzet ? Oh my God! Shihni boten ne kulmin e thjeshtesise. Apsolutisht jo. Per mua. Per disa po. Si ta kene qejfin. Nuk denigrohen problemet e aq me teper te drejtat dhe lirite. Te frysh buzet ne foto, s ka asnje sens , as ne aspektin e lirise, as bukurise, as feminitetit. Ne nje bordello shko beje . Per mua gjithmone. Jo gjithmone ajo qe mendoj une, duhet te jete e prere per te gjithe.”
(F.G/Faxweb)
