Santiago Solari nuk do të jetë trajner i Real Madridit në sezonin e ri, ndërsa tashmë po mendohet se kur do shkëputen marrëdhëniet.
Kështu raporton së fundmi agjencia e lajmeve ‘Goal.com’, duke konfirmuar që sezonin e ardhshëm në “Santiago Bernabeu” do të vijë një tjetër trajner i ri.
Presidenti Florentino Perez ka disa emra por dy favoritët për të zëvendësuar Solarin janë, Jose Mourinho dhe Zinedine Zidane.
‘Los Blancos’ po kalojnë një javë kaotike pas dy humbjeve nga Barcelona (Kupa e Mbretit, La Liga) dhe eliminimit nga Ajaxi në Champions League.
