Sfida me Skocinë dhe Uellsin, flet Panucci: Më duket sikur po drejtoj një skuadër të shurdhër. Kam thirrur Kaçen

Trajneri i Kombëtares shqiptare Cristian Panucci ka folur në një konferencë shtypi për medit lidhur me dy ndeshjet e ardhshme të Shqipërisë e cila do të përballet me Skocinë dhe Uellsit.

Panucci ka thënë se ndeshja me Skocinë që do të luhet në shtëpi do të jetë ndryshe me ndeshjen e parë ku ekipi skocez sipas tij e meritoi fitoren pasi kuqezinjtë luajtën dobët.

Ai ka folur edhe për momentin e mirë që po kalojnë disa lojtarë të kombëtares, përfshirë Eros Grezdën dhe Ergys Kaçen, të cilët kanë gjetur rrugët e rrjetës.

Trajneri i kombëtares tha se ëhstë i lumtur për këtë, duke shtuar se Grezda është në formë më të mirë krahasuar me ndeshjen e kaluar në kombëtare.

Tekniku italian sqaroi edhe zgjedhjet e bëra për këto 2 sfida.

Iu gëzon fakti që Grezda dhe Kaçe kanë gjetur rrjetat, teksa disa nga lojtarët e tjerë kanë bërë paraqitje pozitive?

Padyshim që jam i kënaqur. Të 2 futbollistët kanë gjetur motivimin për 2 ndeshjet e ardhshme. Grezda është më mirë tani se 1 muaj më parë. Jam i lumtur që tani do të vijnë në kombëtare me entuziazmin e golave.

Refuzimi i Lorent Sadikut?

Unë e kisha thirrur si pjesa e ekipit Kombëtar. Më ka dërguar mesazh dhe më ka shpjeguar që nuk ndihet në 100% e formës së tij. I kam thënë që nëse nuk ndihej në formë më mirë mos vinte. Do jetë në plane në të ardhmen. Në vend të Ramadanit të dëmtuar kam thirrur Kaçen.

Përballja ndaj Skocisë?

E merituam humbjen në ndeshjen e mirë. Nuk luajtëm mirë. Vuajtëm agresivitetin. Në shtëpi do jetë ndryshe. Me Izraelin nuk morëm rezultatin që meritonim. Kemi pësuar 3 gola nga goditje standarte. Kanë qenë gabime fëmijërorë. Më duket sikur po merrem me një skuadër të shurdhë. Duhet t’iu përsëris shumë herë të njëjtën gjë.

Rëndësia e ndeshjes me Skocinë?

Është shumë e rëndësishme për ne, për shkak të formulës së grupeve. Është shumë e rëndësishme që të shënojmë gol. Të vazhdojmë nivelin e lojës së nisëm me Izraelin. Kemi luajtur më mirë edhe se me fitoren ndaj Turqisë. Duhet të jemi më të egër dhe oportunistë në fushë. Nuk duhet t’i shpërdorojmë rastet që na krijohen.

(B.H/Faxweb)