Partia “Sifda për Shqipërinë” përmes një deklarate ka dënuar ligjin imponues që u kërkon mediave të transmetojnë reklamat e partive politike falas.
“Bashkëpunimi i ngushtë midis politikës dhe mediave është ndërprerë sepse nuk ka qenë i sinqertë apo në interes të qytetarëve. Ishte një martesë me interes dhe shpesh në kurriz të qytetarëve,” thuhet në deklaratën.
Më tej theksohet se SFIDA beson se media nuk duhet t’i përgjigjet pozitivisht marrëveshjeve me politikën por të ruajë pavarësinë e saj në shërbim të qytetarëve.
“Vizioni ynë është mbizotërimi i gazetarisë së mirëfilltë. Në vend që gazetaria të ndikohet nga marrëveshjet me politikën, duhet të jetë politika që të ndikohet nga zbulimet dhe puna e gazetarisë, si në të gjitha vendet perëndimore,” tha gjatë deklaratës përfaqësuesja e partisë Sfidës, Blerina Turdiu.
Në zgjedhjet e 25 qershorit, përkrah Gjergj Bojaxhi, që kryesin listën e Tiranës, te SFIDA për Shqipërinë kandidojnë emra të tjerë publikë e akademikë si Dr, Medlir Mema, Dr Ermal Hasimja, etj. Drejtues administrativ është Dr, Hektor Ruci. (J.V/Shuplaka)
