Nëse Cristiano Ronaldo nuk do të luajë të dielën në mbrëmje në “San Paolo” kundër Napolit, motive nuk do të jetë kavilja e këmbës së tij të majtë.
Në fakt sot CR7, pas problemit të shfaqur në Bologna, është stërvitur rregullisht me skuadrën dhe është plotësisht në dispozicion.
Madje, portugezi veç rikthimit në formë, sa i përket gjëndjes fizike, ka dëshmuar se është edhe në humor, pasi menjëherë pas seancës stërvitore të pasdites ka publikuar një foto në rrjtet e tij sociale, ku shfaqet pranë dashurisë së tij më të re, zjarrit të rrugëve, një Rolls Royce Cullinan prej 400 mijë euro.
Në fakt në ndeshjen e fazës së parë ndaj Napolit, Cristiano Ronaldo ka zhvilluar atë që është ndeshja e tij më e mirë në Seria A, që kur është transferuar te Juventus, duke shërbyer dy asist e gjysmë (një gjuajtje që u përplas në shtyllë, me topin që përfundoi në këmbët e Mandzukic që shënoi), në fitoren 3-1 ndaj skuadrës së Ancelotti.
Ai do të dëshironte të luajë në atë që ka qenë stadiumi i Maradonës dhe për mometin të gjitha sinjalet e sugjerojnë portugezin si titullar, por është e qartë që Allegri synon të evitojë çdo rrezik të tepërt, ndërkohë që synon të ketë CR7 në formën optimale për sfidën e kthimit ndaj Atletico Madrid, e vlefshme për Champions League.
Discussion about this post