Sfida për Shqipërinë tngre shqetësimin se politika shqiptare rrezikon çdo ditë shëndetin e qytetarëve, për shkak të mungesës së sigurisë ushqimore. Ditën e sotme, në një takim me qytetarët, kjo parti ka prezantuar një pjesë të programit të saj për shëndetësinë: Çështjen e sigurisë ushqimore.
“Jemi në fushatë dhe të gjitha partitë dëshirojnë të flasin për politikë ose për kundërshtarët e tyre. Sfida beson se duhet folur për gjëra që prekin njerëzit drejtpërdrejt, si siguria ushqimore, pra ajo çfarë hamë, shëndeti ynë,” u shpreh kandidati për Tiranën, Dr. Ermal Hasimja.
Sipas tij, partitë nuk duan të flasin për këtë çështje sepse kanë synim interesat politike e financiare të tyre, e jo shëndetin e qytetarëve.
“Në inspektoriatet shqiptare, në vend që të garantohen kontrolle të sigurta, vihen drejtorë që ngjisnin postera partikë dhe nuk kanë asnjë përvojë pune. Jemi vendi me nivelin më të lartë të sëmundjeve të rrezikshme në Europë dhe kjo për shkak të tre arsyeve kryesore: stresi për shkak të pasigurisë financiare, mjedisi, i shkatërruar nga politikat e këtyre 25 viteve, dhe ushqimet që nuk kontrollohen për nivelet e palejuara të përbërësve të dëmshëm.
Ne besojmë se shqiptarët meritojnë më shumë përkujdesje për ta dhe familjet e tyre. Ne besojmë se me vullnetin e duhur kjo mund të arrihet. Fushata jonë ka në qendër interesat e drejtpërdrejta të jetës së qytetarëve. Bashkë Mundet!”, vijoi më tej Ermal Hasimja.
(XH.A/SHUPLAKA)
Discussion about this post