Autoritetet kanë bërë herë pas here thirrje për shmangien e grumbullimeve, mbajtjen e distancave fizike dhe kufizimin e lëvizjeve për të parandaluar përhapjen e koronavirusit, ndërsa siç duket jo të gjithë i kanë respektuar.
Numri dy i Partisë Socialiste, Taulant Balla ka postuar një rast të 4 të moshuarve në Elbasan, të cilët jo vetëm që nuk qëndrojnë brenda në banesë, por janë ulur në jë tavolinë duke luajtur domino.
Ndaj këtij veprimi të tyre është dashur ndërhyrja e efektivëve të policësë bashkiake që të ndërpresin lojën e tyre., ndërsa Balla shkruan përkrah fotosë se kjo nuk është kohë argëtimesh, por një kohë lufte.
Reagimi i plotë:
NA U DESH TË DËRGOJMË POLICINË BASHKIAKE TË NDËRPRESIM GRUMBULLIMET E DOMINOVE NË ELBASAN. KJO NUK ËSHTË KOHË ARGËTIMESH JASHTË SHTËPISË, po KOHË LUFTE Dhe KJO LUFTË FITOHET VETËM DUKE KUFIZUAR LIRINË TËNDE, DUKE NDRYSHUAR RRËNJËSISHT MËNYRËN E JETESËS dhe DUKE RUAJTUR FAMILJEN TËNDE nga kontaktet e tua me jashtë!
? FRIKË ASPAK, KUJDES PO! MADJE SHUMË FARE!
(F.GJ/FAXWEB.AL)
