Padyshim që vizita zyrtare karakterizohen nga një axhendë e ngjeshur, takime të shumta, por edhe pse jo shijimi i ndopak momenteve pushim. Gjatë vizitës që kreu i Kuvendit, Ilir Meta, po zhvillon në Finlandë, shoqërohet nga këshilltari i tij për Marrëdhëniet me Jashtë, Ralf Gjoni, si dhe nga kryetarja e Komisionit të Jashtëm, Arta Dade.
Por përpos takimeve zyrtare, vjen një foto ndryshe e Ralf Gjonit dhe Arta Dades nga Helsinki.
Ka qenë vetë Gjoni, ai që ka publikuar një foto në rrjetin social “Facebook” ku shfaqet pranë një tavoline shahu me deputeten socialiste.
“SHAH! Me Arta Daden”, shkruan këshilltari i Metës bashkangjitur fotos.
Por pavarësisht kësaj, nuk dihet “kush” zë mat “kë”.
E nëse kjo lojë shahu mes “PS” dhe “LSI” ka patur një bast, “nuk e dimë nëse ky është për Presidencën”. Kujtojmë se këshilltari i Metës ka qenë nja nga të parët që ka kundërshtuar lëvizjet e Ramës në qeveri dhe sidomos emërimin në krye të Ministrisë së Brendshme të Fatmir Xhafajt. (E.K/SHUPLAKA)
Discussion about this post