Ministrja e Arsimit, Besa Shahini ka deklaruar se pa votën e studentëve, nuk do të ketë zgjedhje në Universitete. Për këtë temë që po diskutohet prej ditësh, Shahini tha se në mungesë të gjithëpërfshirjes së studentëve, është vendosur shtyrja e zgjedhjeve.
Në shkrimin e publikuar në Facebook, Shahini iu përgjigj edhe PD-së duke i cilësuar “betejat” e tyre absurde.
“Pa patur mundësi të votojnë studentët, natyrisht që nuk mund të ketë zgjedhje të mirëfillta nëpër universitete. Përderisa nuk kishim siguri se data e mëparshme mundësonte gjithëpërfshirjen e studentëve, u detyruam ta shtyjmë atë. Vendim ky, i ndërtuar mbi propozimet e vetë studentëve dhe i koordinuar me të gjitha institucionet e angazhuara në këtë proces, përfshirë edhe zyrën e Presidentit.
Në këtë kontekst, deklaratat e PD-së për “beteja” opozitare janë absurde. Në vend të sajimit të kauzave të paqena, do ndihmonte shumë politikëbërjen arsimore sikur energjitë opozitare të kanalizoheshin në kauza reale që do të përmirësonin cilësinë dhe menaxhimin në arsim”, tha Shahini.(A.M/Faxweb.al)
Discussion about this post