Janë arrestuar nga policia e Durrësit dy vëllezër pasi kanë shkuar në spital në gjendje të dehur, kanë sharë mjekët dhe pacientë dhe kanë shkatërruar ambintet e spitalit. Pre e dhunës së dy vëllezërve janë v bërë edhe policët që shkuan për të inspektuar situatën.
Në prangat e policisë kanë rënë Florenc Çalamani dhe Dajlan Çalamani, përkatësisht të moshave 31 dhe 25-vjeç. Këta të fundit kanë vazhduar edhe me ofendime pasi kanë mbërritur në komisaritin e qytetit.
Detaje:
Specialistët për Krimet në Komisariatin e Policisë Durrës arrestuan në flagrancë shtetasit:
• Florenc Calamani 31 vjeç, banues në Durrës;
• Dajlan Calamani 25 vjeç, banues në Durrës.
Arrestimi i tyre u bë pasi: Më datë 28.12.2016, rreth orës 17:45, në gjëndje të dehur, kanë prishur rendin dhe qetësinë në ambientet e Spitalit Rajonal Durrës. Me të marrë njoftimin menjëherë në vendngjarje kanë shkuar Efektivet e Policisë, me qëllim qetësimin e situatës. Shtetasit e mësipërm nuk i janë bindur uniformave blu dhe në vijim janë shoqëruar në ambientet e Komisariatit të Policisë. Pasi janë shoqëruar, dy vëllezërit kanë kundërshtuar dhe goditur për shkak të detyrës punonjësit e policisë. Materialet I kaluan Prokurorisë së Rrethit Gjyqësor Durrës për veprime të mëtejshme për veprat penale”Kundërshtimi i punonjësit të policisë së rendit publik në bashkëpunim”dhe” Goditjet për shkak të detyrës”parashikuar në nenet 236/2 dhe 237 të Kodit Penal. (J.V/Shuplaka)
Discussion about this post