Gazetari Mishel Koçiu, i cili prej disa kohësh është shpërngulur në SHBA, ka publikuar së fundi ‘’shakanë turke” të kryeministrit Edi Rama.
Koçiu i referohet linjës ajrore Air Albania, e cila nuk është gjë tjetër veçse një linjë e Turkish Airlines, dhe mbetet sërish me çmime të larta në treg.
Ai ka publikuar dhe emailin e marrë nga kompania, ku shihet qartë se Air Albania, shqiptar ka vetëm emrin.
Postimi i Koçiut:
Air Albania, ose shakaja turke e kryeministrit shqiptar. Sapo mora një email: Fluturimi juaj në vijim do të operohet nga Air Albania, që është një degë e Turkish Airlines.
Edhe në version turqisht madje:
Sayın MISHEL KOCIU, Aşağıda bilgileri bulunan uçuşunuz bir Türk Hava Yolları iştiraki olan Air Albania tarafından icra edilecektir.
Air Albania është një nga kompanitë që ka marrë vëmendjen maksimale të qeverisë shqiptare, dhe është mbështetur në mënyrë të hapur, më tepët se çdo operator tjetër në treg. Për të vërtetuar cilësinë e saj, vetë kryeministri Edi Rama kreu disa fluturime drejt Turqisë, duke i hapur rrugë pas disa muajsh, udhëtimeve dhe për qytetarët.
(E.K/Faxweb.al)
Discussion about this post