Mes SHBA-së dhe Rusisë nuk ka shanse të ndodhë asnjë bashkëpunim ushtarak. Të paktën kështu është shprehur sekretari amerikan i Mbrojtjes, Jim Mattis.
Në një konferencë për shtyp nga Brukseli, Mattis tha se kjo nuk mund të realizohet për shkak se për momentin nuk janë krijuar ende kushtet e duhura.
Megjithatë, sipas tij udhëheqësit politikë do të anagazhohen dhe do të përpiqen të gjejnë pika të përbashkëta midis dy vendeve. Ndërsa shton se Rusia duhet të provojë se respekton të drejtën ndërkombëtare, përpara se të realizohet një bashkëpunim i këtyre përmasave me SHBA-në.
Këto deklarata vijnë pas deklaratave të ministrit rus të Mbrojtjes, Sergei Shoigu. Ai deklaroi se Rusia është e gatshme të nisë një bashkëpunim ushtarak me Pentagonin. (D.D/Shuplaka)
Discussion about this post