Sekretarja e Sigurisë Kombëtare në SHBA, Krisjten Nielsen, ka dhënë dorëheqjen nga posti që mbante në administratën e Donald Trump.
Nielsen mbante detyrën e Sekretares për Sigurinë Kombëtare prej dhjetorit të vitit 2017, kur zëvendësoi gjeneralin John Kelly.
Nuk dihen ende arsyet që e “detyruan” 46- vjeçaren të jepte dorëheqjen nga posti i saj.
Lajmin për largimin Nielsen e ka dhënë vetë presidenti i SHBA-së Donald Trump, i cili me anë të një postimi në rrjetin e tij social Twiter i cili shkroi se Kristjen Nielsen do të largohet nga pozita e saj, duke e falenderuar për bashkëpunimin ai gjithashtu zbuloi emrin që do ta zëvendësojë atë.
“Sekretarja e Sigurisë Kombëtare Kirstjen Nielsen do të largohet nga pozita e saj dhe unë do të doja ta falënderoj atë për shërbimin e saj,” tha Trump në Tëitter.
“Unë jam i kënaqur të njoftoj se Kevin McAleenan, Komisioneri i tanishëm i SHBA për Doganën dhe Mbrojtjen e Kufirit, do të bëhet Sekretar i përhershëm për @DHSgov. Kam besim se Kevin do të bëjë një punë të madhe!” tha Trump.
Kujtojmë që në më pak se një vit në krye të sigurisë kombëtare, Nielsen ka mbështetur disa nga politikat më kontroverse të Trump, mes të cilave edhe vendimin për të ndërtuar murin në kufi me Meksikën dhe shpalljen e emergjencës kombëtare, gjë që solli mbylljen e zyrave federale për 35 ditë.
(B.K/FAXWEB.AL)
Discussion about this post