Deputeti i PD-së Kreshnik Çollaku tha sot në studion e emisionit “Të vaksinuarit” në Fax News se Ballkani i Hapur po bën shumë zhurmë në rajon por produkti i saj është ende minimal.
Çollaku u shpreh se me këtë nismë është krijuar tension mes shteteve por SHBA e ka nën vëzhgim dhe bazuar te deklarata e Escobar e rëndësishme për të garantuar suksesin e saj është gjithëpërfshirja e vendeve të rajonit.
Ai tha ndër të tjera se nëse nuk plotësohet ky ‘ekuacion’ që kanë vënë Shtetet e Bashkuara atëherë kjo nismë do të dështojë.
“Unë e shoh si ditën e parë, mnga pikëpamja strategjike është brilant, operacion shumë i hollë dhe ka shënuar ngjarje të rëndësishme ballkanike sepse dje u mblodhën 4 kryeministra dhe kjo ka shkaktuar vibracione. Është operacion i madh propagandistik dhe 0 produkt.
Zhurma dhe debati që hap është i madh. Patjetër ka krijuar tension mes vendeve. Nuk mendoj se SHBA po e mbështet, ka patur vëzhgim më të shtuar, duhet të merremi me fjalën e Escobar. Ai iu referua si dialog jo si samit, tha se SHBA është në mbështetje të nismave rajonale por vuri kornizat, gjithëpërfshirja e 6 vendeve në mënyrë të barabartë. Nëse ka sukses apo dështim është pikërisht kjo kornizë që Escobar ka vënë.
Një tjetër tullë e çmontuar nga muri që tha është çështje ekonomike dhe mos e projektoni si politike. Suksesi përcaktohet në rast se ka gjithëpërfshirje dhe po të lexoni letrën e Kurtit drejtuar kryeministrit të Maqedonisë është pikërisht kjo frazë. Praktikisht duket si koordinim.
Treguan vëmendje por vunë një kornizë suksesi, nëse ky ekuacion nuk plotësohet nisma bie”-tha Çollaku.
(E.D/faxweb.al)
Discussion about this post