SHBA-ja i bën thirrje Serbisë: Njihni Kosovën si shtet të pavarur

Shtetet e Bashkuara të Amerikës i kanë tërhequr sërish vëmendje Serbisë për njohjen e Kosovës.

Zyrtari amerikan, Palmer deklaroi se:

“Serbia duhet ta njohë Kosovën si shtet të pavarur dhe sovran, dhe të njëjtën duhet ta bëjë edhe Kosova”.

Këto deklarata ai i bëri në një panel dedikuar Evropës Juglindore në Forumin Ekonomik Delphi, që po mbahet në Greqi.

Gjithashtu zyrtari Palmer përshëndeti edhe Marrëveshjen e Prespës, ku theksoi se ishte një marrëveshje e suksesshme.

“SHBA-ja dëshiron të ndihmojë në atë çfarë palët në dialog dëshirojnë të bëjnë. Marrëveshja e Prespës ishte e suksesshme sepse krerët e të dyja palëve e donin atë. Ne duam që kjo të përsëritet në negociatat midis Serbisë dhe Kosovës, dhe Beogradi e Prishtina të pranojnë marrëveshjen. Nuk ka linja të kuqe, por nuk ka as fatura blanko”, tha Palmer.