Presidenti i kompanisë “Exxon Mobile”, Rex Tillerson, është në krye të listës së kandidatëve për postin e Sekretarit të Shtetit të Shteteve të Bashkuara të Amerikës.
Tillerson i bashkohet ish-kritikut të Donald Trump dhe kandidatit presidencial të vitit 2012 Mitt Romney si pretendentët kryesorë për postin më të lartë diplomatik të vendit.
Ish-kryetari i bashkisë së New Yorkut, Rudolph Giuliani, u tërhoq nga konsiderata për postin të premten duke cituar plane për t’u kthyer në sektorin privat.
Tillerson, shefi ekzekutiv i një prej kompanive më të mëdha në botë, ka përvojë ndërkombëtare biznesi, përfshi Rusinë. Përfshirja e tij me Moskën dhe lidhjet personale me presidentin Vladimir Putin, ka të ngjarë të tërheq një shqyrtim të hollësishëm gjatë seancës së konfirmimit në senat.
Tillerson u takua privatisht me presidentin e zgjedhur të martën, pas rekomandimeve nga ish Sekretarja e Shtetit, Condoleezza Rice, dhe Sekretarit të Mbrojtjes, Robert Gates.
Pretendentë të tjerë për postin e sekretarit të Shtetit përfshijnë ish-ambasadorin në Kombet e Bashkuara John Bolton, ish kryetari i Komisionit të Senatit për Marrëdhëniet me Jashtë Bob Corker, ish kreu i kompanisë, Ford Alan Mulally, dhe admiral në pension i marinës, James Stavridis.
