Pas deklaratave të ministrit të Jashtëm të Kores së Veriut se Shtetet e e bashkuara të Amerikës i kanë shpallur luftë, vjen një tjetër reagim nga Sekretari amerikan i Mbrojtjes, Jim Mattis.
Mattis, tha sot nga kryeqyteti i Indisë, Nju Delhi, se Shtetet e Bashkuara kërkojnë një zgjidhje paqësore për tensionet në rritje me Korenë e Veriut.
Po ashtu ai tha se Shtëpia e Bardhë tha se Shtetet e Bashkuara nuk janë në gjendje lufte me Penianin.
Zëdhënësja e Shtëpisë së Bardhë duke I konsideruar absurd deklaratat minimizoi rëndësinë e kërcënimit që bëri Korea e Veriut për të rrëzuar avionët ushtarakë që fluturojnë mbi ujërat ndërkombëtare.
“Është e papranueshme që një vend të rrëzojë avionët e një vendi tjetër ndërsa fluturojnë mbi ujërat ndërkombëtare. Objektivi ynë mbetet i njëjti. Ne kërkojmë të arrijmë një çnuklearizim paqësor të Gadishullit Korean. Ky është fokusi ynë dhe po veprojmë nëpërmjet presionit maksimal ekonomik dhe diplomatik”, tha Sarah Huckabee.
(S.SH/Shuplaka)
Discussion about this post