SHBA mesazh ngushëllimi për Major Klodian Tanushin: Nderojmë sakrificën e tij

Shtetet e Bashkuara të Amerikës kanë shprehur ngushëllimet ndaj familjarëve dhe miqve të Majorit Klodian Tanuhi I cili humbi jetën në Letoni.

Përmes një postimi në rrjetet sociale, ambasada e SHBA në Tiranë shprehet se Tanushi humbi jetën në krye të detyrës gjatë misionit të NATO-s.

Ambasada shprehet gjithshtu se bashkohet me qytetarët shqiptarë në nderimin e sakrificës së tij.

Reagimi i plotë:

Shtetet e Bashkuara shprehin ngushëllimet më të thella për familjen dhe miqtë e Majorit Klodian Tanushi, i cili humbi jetën në krye të detyrës gjatë misionit të NATO-s në Letoni. Iu bashkohemi qytetarëve shqiptarë në nderimin e sakrificës së tij dhe në vajtimin për humbjen e tij.

Kujtojmë, se Tanushi mbeti i plagosur nga shpërthimi gjatë demontimit të një mine së bashku me rreshterin Julian Kapaj, shpërthim në të cilin edhe nëntetarja Zarife Hasanaj humbi jetën (lexo këtu).

Major Klodian Nikolla Tanushi kishte lindur në Dibër më 31.10.1980, dhe ishte fëmija i parë i familjes Tanushi. Ai ishte i martuar dhe prind i tre fëmijëve (dy djem dhe një vajzë) përkatësisht 14 vjeç, 11 vjeç dhe 1 vjeç e gjysmë, ndërsa bëhet me dije se kishte ikur në një mision 6 mujor të NATO-së në Letoni që në dhjetor të 2018 (lexo këtu).