SHBA nuk pranon ta rishikojë marrëveshjen e partneritetit transpaqësor (TPP), pavarësisht kërkesës së 11 vendeve të tjera të cilat premtojnë ringjalljen e këtij traktati.
Lajmin e ka dhënë përfaqësuesi special amerikan për Tregtinë, Robert Lighthizer gjatë një takimi në Vietnam me ministrat e Tregtisë së Azi-Paqësorit.
“SHBA-ja është tërhequr nga TPP-ja dhe nuk do ta ndryshojë këtë vendim”, deklaroi Lighthizer për mediat.
TPP-ja u arrit në vitin 2015 pas negociatash të vështira mes 12 vendesh që përfaqësojnë 40 për qind të ekonomisë botërore. Një marrëveshje e realizuar me negocimin e presidentit Barack Obama, i cili gjatë mandatit të tij, një prej prioriteteve të tij gjeostrategjike dhe ekonomike kishte pikërisht rajonin Azi-Paqësor. (D.D/Shuplaka)
Discussion about this post