Zëvendësshefi i Shtatmadhorisë së bashkuar të ushtrisë së Shteteve të Bashkuara të Amerikës, Paul Selva, shprehet se Rusia ka vendosur raketa me koka atomike me qëllim për të paraqitur kërcënim për NATO-n.
Pavarësisht se ato paraqesin shkelje të “frymës dhe qëllimit” të marrëveshjes për kontrollin e armatimit bërthamor të periudhës së Luftës së Ftohtë.
Ai është shprehur më tej se ushtria amerikane ka konfirmuar së fundmi se Rusia ka vendosur raketa me kokë atomike, që lëshohen nga toka të tipit SSC-8.
“Ne besojmë se rusët qëllimisht i kanë vendosur ato me synim që të paraqesin kërcënim për NATO-n dhe për kapacitetet brenda hapësirës së përgjegjësisë së NATO-s.”, është shprehur ai gjatë fjalës në Komitetin e Shërbimeve të Armatosura të Dhomës Përfaqësuese të Kongresit amerikan. (XH.A/SHUPLAKA)
