SHBA-të u bënë thirrje vendeve të Gjrit Persik dhe Egjiptit, që të zgjidhin mosmarrëveshjet e tyre me Katarin.
Arabia Saudite, Emiratet e Bashkuara Arabe, Bahreini, Jemeni, Maldivet dhe Egjipti i prenë marrëdhëniet me Katarin, për shkak të dyshimeve për lidhje me organizata terroriste dhe sepse kanë vënë në pikëpyetje politikat e Shteteve të Bashkuara ndaj Iranit. Të gjitha këto vende janë aleate të Shteteve të Bashkuara në luftën kundër Shtetit Islamik dhe ekspansionizimit iranian. Zyrtarët amerikanë thonë se përçarjet nuk do ta minojnë luftën kundër ISIS-it.
Sekretari amerikan i Shtetit Tillerson u bëri thirrje palëve në konflikt që t’i zgjidhin mosmarrëveshjet përmes bisedimeve. Por, ai tha se të gjithë ata mbeten të përkushtuar ndaj pëpjekjes së përbashkët kundër terrorizmit:
“Unë nuk pres që ky veprim të ketë ndikim të madh në përpjekjen e përbashkët kundër terrorizmit në rajon, apo në botë. Të gjitha palët kanë qenë të bashkuara në luftën kundër terrorizmit dhe Daesh-it apo ISIS-it –këtë ata e kanë shprehur në takimin e kohëve të fundit në Rijad,”- tha ai.
Shtetet arabe i kanë prishur në të kaluarën marrëdhëniet diplomatike me Katarin, por të hënën disa prej tyre ndërprenë edhe udhëtimin brenda dhe jashtë Katarit. (M.D/Shuplaka)
Discussion about this post