Për ish-kryeministrin Sali Berisha Kosova dhe Shqipëria mund të kishin ndërmarrë operacione të përbashkëta për kthimin e të gjithë shqiptarëve nga Siria ndërsa akuzoi se qeveria shqiptare nuk është angazhuar për të riatdhesuar shqiptarët që ndodhen në zonat e konfliktit.
“Kur autoritetet e SHBA kanë bërë thirrje urdhëroni merrini, ata kanë mundur të mundësojnë këtë procedurë. Siç kanë shkuar nga Kosova, por nga Shqipëria nuk ka lëvizur këmbën njeri. Kosova dhe Shqipëria mund të ndërmerrnin në këtë rast, po të ishte e interesuar Shqipëria operacion të përbashkët. Ky është një qëndrim çnjerëzor i një shteti gangëster që nuk ka ndjenjën më minimale njerëzore. Çfarëdo të ketë bërë i ati i djalit, ai është fëmijë i pafajshëm. Duhet të qëndrojmë të gjithë pas tij”, tha Berisha në “Tempora”.
Më tej ish ish-kryeministri deklaroi se të gjithë vendet i kanë tërhequr qytetarët e tyre nga kampet siriane.
Ai përmendi Kosovën, madje tha se SHBA 3 muaj para i ka thënë të gjitha vendeve Europaine të marrin gratë dhe fëmijët nga kampet.
“E kam ndjekur me vëmendje, është më i braktisuri fëmijë që mund të dihet, i braktisur nga pamundësia e babait që nuk është i zoti të shkojë atje, i braktisur nga një grusht gangsterësh që mbajnë pushtetin. I kam ndjekur mbrëmë të dy zëvendës ministrat. Ka dinamikë thoshin. Në një kohë kur Kosova i ka marrë dy muaj para. Shumica e vendeve i kanë marrë. Kur SHBA-të tre muaj para i kanë bërë thirrje vendeve Europiane urdhëroni merrni fëmijët dhe gratë nga kampet, edhe burrat që janë aty”, vijoi Berisha.
Discussion about this post