Sekretari amerikan i Shtetit, Rex Tillerson, bëri me dije se Shteteve të Bashkuara të Amerikës po u humbet durimi me Korenë e Veriut dhe veprimet e saj, ndaj parashikon një reagim të ashpër.
Gjatë një vizite zyrtare në Korenë e Jugut, Tillerson u shpreh se “opsion në tavolinë” është edhe ndërmarrja e veprimeve ushtarake ndaj Koresë së Veriut. Ai tha se “durimi strategjik” i SHBA-ve kishte përfunduar.
Koreja e Veriut ka ngjallur mjaft shqetësim me raketën e fundit dhe testet bërthamore. Tillerson e bëri këtë deklaratë menjëherë pas vizitës në zonën e demilitarizuar që ndan dy Koretë.
“Ne nuk duam që të shkojmë drejt një konflikti ushtarak. Por nëse ata ngrenë kërcënime të reja me programin e tyre bërthamor, ky është një opsion që mbetet në tryezë.”, u shpreh konkretisht Sekretari amerikan i Shtetit.
(XH.A/SHUPLAKA)
Discussion about this post