Forcat e SHÇBA-së kanë vënë në pranga dy policë, nën akuzën për ekspertim të rremë të një aksidenti rrugor.
Të arrestuarit janë nënkomisari Viktor Dulaj, oficer i policisë gjyqësore dhe nënkomisari Ramazan Veseli, specialisht shërbimi.
Sipas hetimeve, dy policët dyshohet se kanë favorizuar autorin e aksidentit të 21 nëntorit të 2016-ës, ku mbeti i plagosur rëndë një person.
28-vjeçarja Ina. M. ishte duke drejtuar një automjet “Nissan” kur është përplasur me një një motorr të drejtuar nga 45-vjeçari L.L. Motoristi përfundoi në spital të QSUT-së, ku doktorëve iu desh t’ia prisnin njërën këmbë.
Por tre muaj pas këtij aksidenti, nga hetimet e Prokurorisë rezultoi se veprimet e kryera nga këta dy oficerë nuk ishin në përputhje me rrethanat faktike dhe për rrjedhojë kanë sjellë favorizimin e autorit të aksidentit. Kështu prokuroria dhe policia, vendosën arrestimin e oficerëve. (D.D/Shuplaka)
