”Shefi i Kardiologjisë dha urdhër ..mora në telefon ministrin por s’u përgjigj”, mjeku dëshmon ngjarjen tragjike në QSUT që përfundoi me vdekje

Petrit Vargu, mjek, i cili ka qenë edhe në listat e PS-së si kandidat për qarkun e Tiranës në vitin 2013, dëshmon me saktësi se çfarë ka ndodhur në QSUT, një ngjarje tragjike, që përfundoi me një vdekje.

Sipas mjekut e gjitha ka ndodhur për shkak të organizimi dhe pajisje të dobta.

Bardha, halla e gruas së tij është ndarë nga jeta dhe ngjarja është kaq shumë e hidhur brenda një spitali që merr miliona e miliona nga taksat tona.

DETAJET E PLOTA:

E dashur Rezarta Reçi , i dashur Ben Merkoçi etj…..Bardha është halla e gruas sime dhe ju falenderoj çfarë shprehni për të. Por në momentet e fundit të jetës së saj të qetë ,unë zbulova edhe njëherë zhurmën e një mjekësie që nuk ekziston ,e një mjekësie të shkrumbëzuar, në gjunjë, që drejtohet nga njerëz të pa shpirt.

Me gjithë përkushtimin e madh të kolegëve, të cilët i falenderoj, kontrapulsatori nuk u përdor dot (megjithëse është akull i ri),pasi kishte dhënë urdhër shefi i Kardiologjisë që të mos përdorej. Mora në telefon ministrin por nuk e hapi.

I hodhëm sms, shefit të hemodinamikës por nuk u përgjigj. Mora në telefon drejtorin e drejtorisë së Spitaleve, i cili më premtoi që së shpejti do ta normalizonte situatën, por përgjigjia nuk arriti kurrë.E futëm për herë të dytë në koronarografi mbas 4 orësh.

Por çfarë pamë!Stenti i vënë 4 orë më parë ishte bllokuar. 3 përqindshi i rastësisë, apo 100 përqindshi i stentit të dobët indian???

Kolegët rikanalizojnë, tentojnë të fusin stentin tjetër për herë të dytë por ai shtrembërohet. Pjesa që mbetet është historia e zezë e një mjekësie që nuk ekziston, ku kardiokirurgjia ka hequr dorë në ndërhyrjet në IAM të orëve të para,pasi e njohin mirë kazuistikën që kanë, pavarësisht se askush nuk e notifikon.

Bardha iku, duke lënë pas një njollë të zezë në mjekësinë tonë, një njollë e zezë që nuk duket në errësirën e madhe që ka pllakosur mjekësinë tonë. Ajo që mbetet është shpirti i saj i bardhë ,ashtu sië e njihni ju, ashtu siç e njohin të gjithë….Ta çoj rastin në prokurori? Në çfare prokurorie? Në atë të kapurën apo atë që nuk ekziston?… Duke shkuar në varreza për t’i çuar lule Bardhës…(V.G/SHUPLAKA)