Dashamir Shehi ka bërë një analizë të tij pse PD-ja humbi në këto zgjedhje. Sipas tij organizimi i fushatës brenda PD-së la shumë për të dëshiruar.
”Unë do të bëja një abstragim, votat ashtu siç thotë edhe Basha janë paguar. Një çam që merr vota në Peshkopi, në mënyrë kaq të theksuar sa këtë rradhë nuk ka ndodhur. Përtej kësaj hiq edhe një 5 % nga lista që mund të ketë pasur problem, po kjo është hipotezë se këtu mund të ketë edhe vota që kanë ardhur nga të rinjtë.
Pjesën tjetër është se PD-ja ka bërë një fushatë të keqe. A të ka ardhur ty një fletë te shtëpija që të thonte pse duhet të votohej PD-ja. Edhe ai i bashkisë e bëri shejtanllikun dhe e çoi nga një copë letër në shtëpitë e njerëzve.
Këta e bënë fushatën me këtë llojin e ri alla-amerikan që i gjithë fokusi është i vendosur te lideri, po ama varet sesa rreze ka lideri. Në katër vite ne u morëm me gjëra të vogla dhe nuk u morëm me reformat e mëdha që i duheshin vendit. E çuam opozitën dëm”, u shpreh Shehi.
Po ashtu Shehi vijoi më tej duke thënë se zgjidhja që PD-ja të dalë nga kjo gjendje nuk është ndërrimi i drejtimit të Partisë por krijimi i një platforme të gjerë opozitare.
“Nuk është e mjaftueshme që ne pas një muaji të zgjedhim një kryetar të ri. Duhet të krijohet një platformë e madhe rreth së cilës të mblidhen gjithë opozitarët. Nuk ka ndodhur fundi i botës, shifrat janë të riparueshme, e përmendët që në vitin 2001 e paska fituar duke kaluar 71 Nano dhe Meta. Kjo nuk është dramë, po ama do të jetë dramë nëse ne nuk do bëjmë reflektimet e duhura”, vijoi më tej Shehi.
(E.K/SHUPLAKA)
