Rreth 1000 banorë të fshatit Frankth në njësinë administrative Komsi në Bashkinë e Matit kanë mbetur të izoluar për shkak të shembjes së një muri në hyrje të fshatit.
Duke filluar nga nxënësit e shkollave si dhe mësuesit e shkollës 9-vjeçare Frankth, e bëjnë rrugën në këmbë pasi asnjë mjet nuk mund t’i shoqërojë.
Kjo situatë vazhdon prej një viti tashmë, dhe sipas banorëve, pavarësisht se janë shpenzuar miliona lekë për rregullimin e rrugës.
Banorët e fshatit kërkojnë ndërhyrjen e menjëheshme të Bashkisë dhe qeverisë përpara fushatës elektorale, pasi sipas tyre kjo punë duhej të ishte përfunduar me kohë. Sakaq ata paralajmërojnë nisjen e protestave nëse ende nuk merret asnjë masë. (D.D/Shuplaka)
Discussion about this post