Një ditë pas ngjarjes së rëndë, ku u raportua pwr rrwzimin e 3 kateve të një pallati shumëkatësh në zonën e Shkëmbit të Kavajës, policia e Durrësit ka nisur procedimin penal dhe po punon për kapjen e ndërtuesit të pallatit E.Sh., 49 vjeç, banues në Durrës.
Detaje të Policisë së Durrësit:
Specialistët për Krimet në Komisariatin e Policisë Durrës filluan proçedimin penal dhe po punohet për kapjen e shtetasit:
- E.Sh. 49 vjeç, banues në Durrës.
Më datë 17.02.2017, ora 13:15, tek Shkëmbi i Kavajës, pronë e shtetasit të mësipërm, janë shëmbur tre katet e fundit, duke rrezikuar jetën e banorëve.
Fatmirësisht nuk ka pasur dëme në njerëz, por vetëm dëme materiale.
Tre katet e fundit kanë qenë me konstruksione metalike, të papërfunduara punimet, pasi nuk dispononte leje ndërtimi.
Materialet I kaluan Prokurorisë së Rrethit Gjyqësor Durrës për veprime të mëtejshme për veprat penale “Shkatërrimi I pronës nga pakujdesia” dhe
“Shkelja e rregullave të mbrojtjes në punë” parashikuar në nenet 161 dhe 289 të Kodit Penal.
(XH.A/SHUPLAKA)
