Kryeministri Edi Rama ka reaguar në lidhje me shembjen e kullës së Prenk Calit. Nuk kanë qenë të pakta akuzat e ardhura nga PD-ja se qeveria “Rama 2” prishi këtë kullë.
Por Rama ka reaguar vetëm pak minuta më parë duke theksuar se “bosh se bosh u mbeti koka o të shkretë” dhe fjalën e ka për demokratët që akuzuan për këtë shembje.
“Unë prishësi i kullës së Prenk Calit? Bosh se bosh u mbeti koka o të shkretë që veç shani për çka sajoni vetë, s’ka derman për ju vajmedet”, shprehet Rama.
Sjellim në vëmendje që dje Basha theksoi se ” shembja e mureve të kulles është goditje e kryengritjes së Kelmendit, revoltes se parë anti komunistë të Europës”.
“Por Edi Rama nuk mund ta duroje nderimin e nje prijesi legjendar anti-komunist si Prek Cali. Se kur kthen pinjollet e Byrose dhe xhelatet e diktatures ne krye te vendit, te tremb kujtimi dhe hija e Prek Calit. Ky i sotmi eshte nje akt urrejtje por edhe dobesie. Kelmendasit, malesoret dhe mbare shqiptaret patriote do tja japin pergjigjen pjelles se keqe.”, u shpreh dje Basha.
Dje IKMT shembi banesën e Prek Calit në Vermosh.
(J.V/Shuplaka)
