Pesë persona kanë humbur jetën nën rrënojat e një pallati, një pjesë e së cilës u shemb për shkak të një shpërthimi të fuqishëm në Hagë. Kryebashkiaku Jan van Zaanen tha të shtunën mbrëma se ekuipazhet e shpëtimit ishin ende duke kërkuar rrënojat, duke shtuar se nuk ishte e qartë se sa njerëz ishin ende të zhdukur.
Një person i bllokuar në rrënoja u nxorr i gjallë rreth 12 orë pasi një pjesë e ndërtesës u shemb në orën 06:15 të mëngjesit të së shtunës. Në total, katër të plagosur kanë marrë ndihmë mjekësore dhe dy prej tyre janë të shtruar në spital në gjendje kritike për jetën. Banorët e pallatit u thanë gazetarëve se në pallat banonin disa të moshuar dhe familje me fëmijë.
“Isha duke fjetur dhe papritmas pati një zhurmë shurdhuese. Shikova nga dritarja dhe pashë flakë. Ishte një tronditje e madhe”, tha 14-vjeçari Adam Muller, i cili jeton në një ndërtesë fqinje.
Shkaku i shpërthimit që shkaktoi shembjen po hetohet. Policia po kërkon ndihmën e publikut për gjetjen e një makine që u pa duke u larguar me shpejtësi nga vendi i ngjarjes menjëherë pas shpërthimit.
Kryeministri holandez, Dick Schoff tha se ishte i tronditur nga imazhet e tmerrshme të ndërtesës së shembur në Hagë në një postim në platformën. Mbreti Willem-Alexander i Holandës shprehu trishtimin e tij për tragjedinë dhe simpatinë e tij për të prekurit dhe ata që shqetësohen për fatin e të dashurve të tyre.
Discussion about this post