Aktori i Teatrit Kombëtar Neritan Licaj në një interviste për emisonin “ODA” në televizioni Fax News ka folur mbi çështjen e prishjes së Teatrit Kombëtar.
Ai bëri një rezyme se si lindi ky ligj duke e quajtur klientelist dhe duke fajësuar edhe njëherë ish-ministren e Kulturës Mirela Kumbaro.
Aktori i njohur shprehet i zhgënjyer edhe me kolegët që ishin në mbrojtje të mosprishjes së Teatrit duke thënë se “komuniteti i artistëve u shpartallua dhe grupi u shpërbë, përshembull Laert Vasili që bënte thirrje për grevë kur ishte me grupin në mbrojtje të teatrit iu lëpi pushtetit dhe u bë drejtor”.
Liçaj tha se “i jam mirënjohës Presidentit, deputetit Pandeli Majkos dhe opozites që e kanë mbrojtur teatrin duke shtuar se nëse pozita e sotme nuik mban premtimet që po bën ne prap do dalim ne shesh”.
Akuza ka hedhur edhe ndaj kreut të Bashkisë Tiranë duke thënë se atë e nxjerr Edi Rama të flasë dhe kështu ai thjeshtë denigrohet kur flet për teatrin.
(R.G/FAXWEB.AL)
Discussion about this post